اِے نِگاہانی زُبان اِنت ھَمُکّا* پہ نَہ اِنت
مِہر ءِ بَندیک مَنی کێنَگ ءِ گُکّ ءَ پہ نَہ اِنت
کَیپ بالادے ءَ بالادے ءِ تِنگَگ بْراہیت
شَہدێں اِے تام تَئی کُچَّلێں نُکّ ءَ پہ نَہ اِنت
راستی اِنت جاہِلیا کانٹ رُدیت بِلّ ئِے رُدیت
دِل پَٹانی مَنی دِل بَند مَدُکّا پہ نَہ اِنت
دیر دار بُنگَر ئے تێلانکے ءَ ھَپت پُشت ءَ کَپ ئے
مئے بَلۆچی تَئی مُشت ءَ تَئی مُکّ ءَ پہ نَہ اِنت
مَچّ ءَ اێر آ کہ اِے مَچّانی بَراں تْرُپشی نێست
اَمبُکے پَٹّ کہ نیمۆنے پَپُکّا پہ نَہ اِنت
مَن نَہ آں جاڈُو وَتی لَنکُکاں چَمّاں بِجَناں
کَول سَربُرّێں مَنی تاسُکێں چُکّ ءَ پہ نَہ اِنت
مَہوَشاں گۆن اَنت گُل ءِ زِرد پہ گْوازی ءَ بلے
اِیسُپ ءِ دِل نی زُلَیکائیں بُتُکّا پہ نَہ اِنت
…………۔۔
*ھَمُکا
<سترُنگ><اِم>آہُوگ گُل
(آس سَبزێں جَنگَلے)