گَم مَنی مَرگ بَنت اِنت تَرا ھِچّ نَبیت
تَو کہ بے ھال بَئے مئے دِل ءَ چے گْوَزیت!
دُنیا مَرچی تَرا لۆٹَگ ءَ اِنت، بلے
چۆ مَنی ءَ سَپائیں دِلِش گۆں نَبیت
تَو گُش ئے جَٹّی چَہ واریا شَرتِر اِنت
مَن گُشاں بے وَسی جَٹّیارا کُشیت
مَن نَزانتکاری ئے واب ءَ پاد اَتکَگاں
مَن نَزانتَگ کہ دَست چینچو بُرز ءَ رَسیت
زی تَئی واہَگ ءَ چَمّ مَنی نَزّ اَت اَنت،
مَرچی بایَد ھَمێش اِنت کہ جَنگے بِبیت
ھِچّ پیلَہ نَبیت اِنت کَسّی واہَگے
داں بَدَل سَجَّہێں وارێں دُنیا مَبیت
<سترُنگ><اِم>ھاں سابِر
نَوَمبَر-1974، مَند