کَور ءُ گَیاب ءُ کیلَگ، کۆہ ءُ دَمَن بَہا بَنت
جاہے تَمَن بَہا بَنت، جاہے وَتَن بَہا بَنت
سَوداگِراں جَہان ءِ ھَر چیز ءِ نِہاد بَستَگ
بْراتانی گَیرَت ءُ نَنگ مَردانی جَن بَہا بَنت
تَو پہ گُلابی پُلّے اَرساں مَرێچ بُلبُل
بَنیادَمانی شَہر ءَ پُرّێں چَمَن بَہا بَنت
سَد رَنج کہ مَرۆچاں بْراتانی دێم پہ دێم ءَ
گْرانمَہزَبێں گُہار ءِ لُنٹانی پَنّ بَہا بَنت
چَہ دَور ءِ گَردِش ءَ اِے دُنیا ءِ رَسم ٹَہِتَگ
جۆن ءَ دَ اَنت کَبر ءَ نۆکێں کَپَن بَہا بَنت
<سترُنگ><اِم>مُبارِک کازی