مَن نَزانتَگ سَر کَپیت پہ اِے وَڈێں رۆچاں شَریپ
دَستِ وَت جِند ءِ زُبان ءَ گُنگ کَناں دۆچاں شَریپ
رَیس ءُ گۆرگێجاں کہ مئے کَبر ءِ زِمین میراس کُتَگ
پیرُک ءُ بُنپیرُک ءِ بْراتاں وَتی سۆچاں شَریپ
چارَگ ءِ ھَمراہی ءَ دِل داتَگ ئِے گۆں اَلَّما
کَسّ نَبیت مُپتا گَنۆک پہ جامَگ ءِ دۆچاں شَریپ
نُو پَیادَگ بُوَگ ءِ نیمّۆن ساچیت دِل ءَ
لانک بَستَگ ما کَدی پہ ماڈی ءُ کۆچاں شَریپ
<سترُنگ><اِم>شَریپ واہَگ