مَن ھما کَندیل ءِ پَیم ءَ رُژن بالێنتَگ وَتی
بالۆاں چاگِرد ءِ چَہ مَن راہ سازێنتَگ وَتی
نَن پُر ءُ ناں دیتکی تَندے پہ نِشانے مانِتَگ
سُتکَگێں بالاد تَوامێں دۆستاں نامێنتَگ وَتی
میرکُو ءُ ریشکَنداں ھَلکَیگاں سَر ءَ زُرتَگ مَن ءَ
پہ ھَریدارێں پُراں پہ لۆگ باہێنتَگ وَتی
زانَگ ءُ زانت اِنت گۆں زَمباں بالی مُرگانی وَڈ ءَ
ھُشک ءُ تُنّیگێں تَماہ ءِ نُکّ تامێنتَگ وَتی
مئے تَب ءِ سَرہَیلی ئے اَنگَت نَپرُشتَگ مُہکَمی
ھَمبَلاں مَگرانی بِلّ ئِے اَگل تاچێنتَگ وَتی
چَمّ پَچ اَنت پہ کۆردیدی رَہبَری نام کَشَّگ ءَ
ما اوں گُل اَرواہ ءَ زِند ءِ زَہر چارێنتَگ وَتی
<سترُنگ><اِم>گُلام مَہمَد گُل