یَکّ سُورمَگێں بے گاہے ءَ
دَر کَپتاں نۆکێں راہے ءَ
مَن گۆں وَتی مَوجێں دِل ءَ
دێم پہ مُراد ءِ مِنزِل ءَ
یاتانی چارّاہ ءِ سَر ءَ
دیستُن ھُمارێں دِلبارے
بے گَم چَہ اِمرۆز ءِ گَماں
گۆں دَزگُہاراں وَتی
کَندان ءُ دێم ءَ سَر جَناں
گۆں ھَمسَراں گْوازی کَناں
اَنچۆ کہ ماہے چاردَہی
گۆں کَلکَشاں گْوازی کَناں
مَن چَہ مُراد ءِ مِنزِل ءَ
پَہکا پِرامۆش بیتَگاں
تَہنا ھما بے دَروَر ئے
رَنگ ءَ گۆں دِلگۆش بیتَگاں
<سترُنگ><اِم>مُبارِک کازی
سَتَمبَر-1985، شال