اَرس بۆرێناں، سُورمَگاں کَناں
کِشکاں سایان ءُ دیدَگاں کَناں
وَت وَتی اَندَر ءَ مَبیت جاگَہ
مَن وَت ءَ اَنچۆ شاہِگاں کَناں
لَبز جالار بَنت ژَلانگۆکێں
شَیر دۆچاں، کَٹُور ءَ ماں کَناں
بیرَگ ءَ گَہ مَکَنت گَلَگ اَرس ءِ
دیدَگاں پہ تَو سارباں کَناں
تَو مَنی سْیادی ءَ دِل ءَ مْیار ئے
اَنچێں مُندریکے لَنکُکاں کَناں
سِستَگێں ھَوری تْرَمپاں بادێناں
مۆسُم ءَ جیگ ءِ مُہرَگاں کَناں
زَتک ءُ زَہرے دِگِہ مَچِنت اَرماں
بَند ءُ بۆگ ءَ شَراب ماں کَناں
<سترُنگ><اِم>ھالِک اَرماں