بَہر کَنت دَرداں مَنی یَکّ اَنچێں گَموارے رَسیت
مَن کَدی زانتَگ مَن ءَ را تَئی وَڈێں یارے رَسیت
مَکتَبے کَشّاں پہ راج ءِ مَلّێں پَرزِنداں وَتی
مێتَگ ءِ بے رۆزَگاراں دِلجَمێں کارے رَسیت
جی ھما رۆچ ءَ کہ مَن جِند ءَ وَتی بے ھال باں
اِے گُنَہگارێں دِل ءَ نۆکێں گِر ءُ دارے رَسیت
مُدَّتے گْوَستَگ اِشانا گۆں وَتی کَلمانٹیا
شاگێں یَدّاراں کَدی بیت دَور ءُ آچارے رَسیت
ساچ کازی شَیر ءُ گالاں داں تَئی وَس کار کَنت
تَو ھَمے راہ ءَ رَواں بَئے بَلکێں دِلدارے رَسیت
<سترُنگ><اِم>مُبارِک کازی
(چَولاں دَریا یَل داتَگ)