ھَردێما رَنگ ءُ نُور بیت
گْوادِر کہ سِنگاپُور بیت
مُوسا گۆں لَٹّ ءَ کئێت پَدا
باتێل کۆہِ تُور بیت
کَنت تُربَت ءَ چۆ جَنَّت ءَ
گِلماں بیت ءُ ھُور بیت
اِے ڈُہل گۆشاں کَرّ کَنت
نَزّیک بیت یا دُور بیت
اوٹ ءَ بِکَٹّیت کہ شَپُکّ
تَریاک بیت، باپُور بیت
دَست ءَ نَبیت ھِچّی گُڈا
چۆ تۆلَگ ءُ اَنگُور بیت
مَہلُوک ءِ کَوشاں کَنت سَر ءَ
واجَہ پَدا مَجبُور بیت
اَبدال اوٹاں پَد بِچار
چۆ لَندَنا پَنجگُور بیت
<سترُنگ><اِم>گَنی اَبدال
1 جَنوَری 2024