مَنی سالرۆچ مَچّات ءَ گَنۆکی کَنت
مَن چینچو پہ تَو شَیدا اُں وَتَن مِسکێں
چِراگ اَنت ءُ اَگَربَتّی یا کاپُور ءَ
بِکِشتێں لَبز ءُ اَرواہ ماں بِداشتێں آس
پَدی واتَرّ کَنَگ گران اِنت
کَپۆتی نالَگاں دَست ءِ سَرین ءَ کَن
مَلَنگێں شانتُلے کُوکُو بِپَرما، بُلبُلے وَڈ کَن
سَلالَہ، جَلِبار، زَہران ءِ شیرێں آپ
مَن ءُ اِنجیر ءُ تَو بیتێں
رَکاتَہ آپ دَلگان اَت
دِل اِنت چێر ءُ سَر اِنت اَنگَت
کُجام لَنکُک تَرا لَبزے نِسبِشتَہ کَنت
تَو گیراں نِشتَگ ءِ بے لی
کَدی بیت دْرُوچک ءُ سیسُو بانزُلاں بَر بَنت
کَدی تَئی مُرگ واتَرّ بَنت
کُدُو سَنٹ اَنت
<سترُنگ><اِم>مُبارِک کازی