جانا ئِے پہ شیر شۆداں، لُنٹان ئِے شَہد مێناں
مَن دۆست ءَ دِلبَرێن ءَ دَستاں گۆں سَمبَہێناں
کَدی مَن وَت ءَ شَمۆشاں، کَدی دِل مَن ءَ چَہ بے ھال
دَیاں مَن تَب ءِ تَیاب ءَ رَکّاں تَئی کاگَدێناں
گَم ءِ شیشَگانی آس ءَ دِل ءِ دۆزَہے بُتۆسیت
وَتی تْرانَگانی دَشت ءِ وَت ءَ چۆن مَن اِنسِرێناں
تَرا بْراہیت بے سَمائی مَنی ناز نازێں دِلبَر
مَنی دیدَگانی رۆک ئے، تَرا اُمرے ءَ بَہێناں
اَگاں مَن بِباں کہ تَو ئے، اَگاں تَو بِب ئے مَن آں مَن
شۆہاز ءِ شادِہ آں ،مئے شۆہازاں شادِہێناں
<سترُنگ><اِم>گُلام ھُسَین شۆہاز