دِل ءَ چَہ چِست بَنت پاہار آس بَنت
تَ دیدَگانی اَرس دُرس لاس بَنت
گۆں ھۆن سَمبَہێناں زِند ءِ رَہسَراں
اَگاں گُلاب ءِ پُلّ ءُ گُل ھَلاس بَنت
مَشِنگ وَتی زَبادبُوێں مَہپَراں
کہ بے اَسَر سَمین ءِ سَردێں واس بَنت
اگں تَئی مِہر ءِ کَدَّہاں وَپا نَبیت
تَ مۆنِسے پہ مَن شَراب ءِ تاس بَنت
مَنی دِل ءَ چۆ واہَگ ءِ زَد ءَ مَکَن
کہ دیدَگانی زَنگ تَئی وَتاس بَنت
<سترُنگ><اِم>مُبارِک کازی
اَپرێل-1985، شال