شَوک ءُ تازَگێں پُلّانی بُو چَہ دُکّان ءَ ڈَنّ دَگّ ءِ کِرّ ءُ کَشاں ماں گْوات ءَ شِنگِتَگَت۔ نَزّیک ئے آشکالدانا چَہ لَہتێں سِستَگێں گُلابی پُلّاں، کہ کَسے ءَ رُپتَگ ءُ رێتکَگَت اَنت، اوں وَشّێں بُوے دَر آیَگ ءَ اَت۔ آئی ءِ چَپّ ءُ چاگِرد ءَ پُلّ پہ گِچێںے یَجّاہ لۆٹُک کُتَگَت اَنت۔ آئی ءِ پُلّانی گِچێنی نامدار اَت۔ چَہ دُورا کَسے ءِ چَمّ کَپت، آ اَلَّما پہ جُست ءَ دُکّان ءَ اَتک۔
"تَرا بلے اِے سِلبُوێں مێتَگ ءَ سَینٹ ءُ اَنتَر ءِ زَلُورَت نَہ اِنت گِند ئے؟" جِنِکّے ءِ جُست ءِ پَسَّو ءَ آئی ءَ اێوک ءَ بِچکَندَگے جَت۔
ھَمے کہ نَزّیکہ بانگواہ بُوت، سَمیر چَہ واب ءَ جَہ سِرِّت ءُ زُوت زُوتا مَزَنێں باگ ءِ کِشک ءَ رَہادَگ بُوت۔ نَزّیکہ رۆدَرایا آ باگ ءَ سَر بُوت۔ اود ءَ اوں ھَمُک رۆچ یَکّے آئی ءِ وَدار ءَ گۆں پُلّاں نِشتَگَت۔ سَمیرا ھَمے کہ چَہ پُلّاں پُرّێں چادِر کۆپَگاں کُت گُڈا گۆں بِچکَندے جُست ئِے کُت۔
"گُلاب ءِ پُلّ ئِے ماں؟"
"اَڈ ءِ ھَو۔ مَن زاناں تَرا بے گُلاب ءَ نَبیت۔"
"مَنی ھَیر اِنت، مَردُمانی تَو زان ئے لۆٹ اِنت۔"
پَدا آ بِچکَنداں دێم پہ شَہر ءَ جَہلاد بُوت۔ دُکّان ءِ مالِک اوں ھَمُک سُہب دُکّان ءَ اَتک، زیکێں رۆچ ءِ ھِساب ءِ رَند ءَ ءُ نۆکێں پُلّانی چارَگ ءَ کہ کُجام کُجام پُلّ آُرتَگ اَنت ءُ کُجام نِہاد ءَ ۔ آئی ءَ گۆں دِل ءُ سِتک پُلّ یَجّاہ کُت اَنت ءُ لۆٹُک ءَ پُلّانی دَستَگ اَڈّ کُت۔
"گُلاب ءِ پُلّ ئِے ماں؟"
"اَڈ ءِ ھَو۔ مَن زاناں تَرا بے گُلاب ءَ نَبیت۔"
"مَنی ھَیر اِنت، مَردُمانی تَو زان ئے لۆٹ اِنت۔"
پَدا آ بِچکَنداں دێم پہ شَہر ءَ جَہلاد بُوت۔ دُکّان ءِ مالِک اوں ھَمُک سُہب دُکّان ءَ اَتک، زیکێں رۆچ ءِ ھِساب ءِ رَند ءَ ءُ نۆکێں پُلّانی چارَگ ءَ کہ کُجام کُجام پُلّ آُرتَگ اَنت ءُ کُجام نِہاد ءَ ۔ آئی ءَ گۆں دِل ءُ سِتک پُلّ یَجّاہ کُت اَنت ءُ لۆٹُک ءَ پُلّانی دَستَگ اَڈّ کُت۔
یَکّ شَپ ءِ ھما جِنِکّ بازار ءَ گْوَزَگ ءَ اَت۔ آئی ءَ دیست پُہل ءِ چێرا کِچرَہانی بانڈُم ءِ کَش ءَ یَکّ دِرتَگێں شالے ءِ سَر ءَ پُلّ بَہا کَنۆکێں بَچَکّ وَپتَگ ءُ آئی ءِ کَش ءَ گُلاب ءِ یَکّ شاہے گۆں گُلاب ءِ پُلّ ءَ اێر اِنت۔
<سترُنگ><اِم>اَندَلیب گِچکی