شاِری چَہ سْیاسَت ءَ دێماتِر اِنت
شاِر ءَ گێشتِر بَلۆچ ءِ گَم پِر اِنت
شاِر ءِ کیمَت جَنَگ ھِجبَر نَبیت
شاِر ءِ اِیماں تَئی زێد اِنت، زِر اِنت
راست گُشتَگ ساہِرا مئے سْیاسَتداں
ھَرکَسے کئێت رَپتَگێن ءَ گَنتِر اِنت
دِل تَرُونے بے وَسی رۆک اِنت مئے
دیداگانی اَرس ءِ ھَر تْرَمپ اِشکِر اِنت
باز مَردُم سَکّ پَرێشان اِنت کہ اِے
ڈێوَرێں یُونُس چِتَورا شاِر اِنت
<سترُنگ><اِم>یُونُس اُداس