نْیادانی ماہِکانێں شَپاں کہ پَدی کُتَگ
تَئی دُوریا گُش ئے دِگِہ ماہے وَدی کُتَگ
بارێں زَمانَگ ءَ چی ءَ تَوریت مئے سَنگَتی
ما وَت نَزانێں ما کُجام گْرانێں رَدی کُتَگ
اِے گِلَّہ ءَ بَراں پہ کَئی داد ءِ پَتَّر ءَ
کہ مِہرواںے ءَ مَنی مِہر ءِ بَدی کُتَگ
مَنّاں کہ تَو جَہان ءِ گُلێں زینَت ئے بلے
تَئی بے بَہائیں ھُسن ئے سَتا مَن کَدی کُتَگ
مارا جَہاں پہ مئے گَماں دَنت مُبارِکی
کہ ما جَہاں وَشّی ءِ گْواجار دی کُتَگ
<سترُنگ><اِم>مُبارِک کازی
دَسَمبَر-1984، سُوراب