کُبلێں دَروازَگ ءُ کۆرێں دَریگ
کئے بِپۆلیت اِے تَہنایاں
کئے بِماریت اِے وَیرانیاں
کئے بِمَنّیت کہ رُژن اَندَر اِنت
چێر ءُ سَر اِنت
سْیَہشَپ اِنت
کُبلێں دَروازَگ ءُ بے تَوارێں تَوار
کُبلێں دَروازَگ، ٹَپّیێں دَست ءُ چَمّ
کُبلێں دَروازَگ ءُ بے سَمائیں ھَتَم
چینچو بے ھاجَت اِنت زِندمان ئے نِشاں
کئے بِزانت مِہر کَلّ اِنت کُج ءَ ؟
کئے وَپایانی سَدسالێں تاسانی پَسَّواں بِدَنت؟
بے کِساس دَرد ءُ دۆر ءُ اَبێتکی
بے کِساسێں تَہاری ءُ بے باوَری بلے
کُبلێں دَروازَگاں چَہ ھما دێم، رُژن ءِ سَپَر زِندَگی ءِ سَپَر
مِسکێں اَرواہانی آجُوی ءِ سَپَر
<سترُنگ><اِم>کَریمَہ بَلۆچ