تْرانَگ ءِ بْراہ ءِ تْرانَگ ءَ گێجیت
دِل کُجام جاہ ءِ تْرانَگ ءَ گێجیت
تَئی جیگ ءِ کَماتَگێں ھَر لاس
چاردَہی ماہ ءِ تْرانَگ ءَ گێجیت
تَئی گیوار ءِ کِشک مِہرانی
مادَنێں راہ ءِ تْرانَگ ءَ گێجیت
تَو کہ شِنگێن ءِ مَہپَراں مِسکێں
سُہب بے گاہ ءِ تْرانَگ ءَ گێجیت
ھِزر دَنت مَرک ءِ جَورێں مِستَگ ءَ
مَلکَمُوت ساہ ءِ تْرانَگ ءَ گێجیت
جُتک ءِ ھَرَّنگێں مِہر ءُ نَزّیکی
زِند ءِ ھَمراہ ءِ تْرانَگ ءَ گێجیت
مارا تَئی کُوشێں زانسَرُن گیر اَنت
سَر کہ سَرجاہ ءِ تْرانَگ ءَ گێجیت
<سترُنگ><اِم>مُبارِک کازی
اَکتۆبَر-1984، شال