کُلُّن زَبادمالێں گۆں مِہلَباں رَزێنتَگ
بانۆر واہَگانی پہ ناز سَمبَہێنتَگ
پہ بانُکێں گُہار ءَ چۆن بْرات ءِ چَمّ سُہر اَنت؟
کہ گُرکی ءِ تَوار ءَ واب ءَ چَہ پَدَّرَہێنتَگ
بْیا اُو پَریرَواجێں مَہناز پہ مَن ءَ کہ
چۆ اومَر ءَ مَرۆچی پَر تَو زَباد مێنتَگ
اِے دَہر ءَ بے مُرادی گَنجے پہ بے مُراداں
مَن پہ مُراد زِند ءِ ھَر سۆزماں تْرَہێنتَگ
دو گال جَور ءُ تَہلێن اَتکَگ مَنی زُبان ءَ
کہ دَرد ءِ شیرکِنی ءَ مَرچی مَن ءَ سُرێنتَگ
<سترُنگ><اِم>مُبارِک کازی