مَن راجپَہازێں دَپتَرانی تَہا گۆں ھۆناں وَتی نَویساں
کہ چَہ مَن ءَ رَند
پہ گُلزِمین ءِ مَزارێں بَچّانی رَہنِشان ءَ
مَنی اِے شَیراں ھَمُک دیوَل ءُ سِنگ ءُ ڈۆک ءِ سَر ءَ نَویسِت
کہ تا بِزان اَنت راجپالێں سَرانی واجَہ
وَتی وَتَنمات ءِ مِہر ءِ راہ ءَ
وَتَن کہ کَرناں چَہ آدَمیزات ءِ زِند ءِ آزاتی ءِ نِشان اِنت
وَتَن کہ اِیمان ءُ مِہر ءُ مَہزَب
وَتَن کہ ھَر راج ءِ شَرَپ ءُ شان اِنت
وَتَن کہ اِنجیل، وَید، گیت ءَ ، زَبُور، تَورَیت یا کُران اِنت
وَتَن مُرادانی گُلزِمین اِنت
وَتَن سَباہ ءِ گُلێں سَمین اِنت
وَتَن بَہارانی رَنگ ءُ دْرین اِنت
وَتَن کہ نێست اِنت تَ ھِچّ نَمانیت
وَتَن کہ ھَست اِنت ما زِندَگ *آں<اِم>، زِندَگ *آں، نَمیر آں*!!!
*آں = ایں
<سترُنگ><اِم>مُبارِک کازی
پَروَری-1983، کَراچی