مَہرَنگ، مَہلِکاہ، مَہدێم، ماہ ءِ دَروَر
بْیا مِہر ءُ دۆستی ءِ اِے جامَگ ءَ لَگۆشاں
تَو ھَم وَت ءَ شَمۆش، مَن ھَم وَت ءَ شَمۆشاں
مَن تَئی ھَیال ءُ یاتاں کَشّاں چَہ تْرانَگ ءَ
تَو ھَم دِل ءَ چَہ دَر کَن پێشی زَمانَگ ءَ
تَو ھَم دِگِہ بَرے یاتاں مَنی مَکَپ
مَن ھَم دِل ءَ وَتی سَہڈێناں جَگَر ءِ کَپّ
مَن ھَم گُشاں کہ دْرۆگے اِے مِہر ءُ دۆستی
تَو ھَم بُگُش مَن ءَ را بے مِہر ءُ بے وَپا
مَن ھَم تَئی شَربَتی چَمّاں چَہ سَر گْوَزاں
تَو ھَم آ گْوَستَگێں رۆچاں دِل ءَ مَیار
مَن زُوراں تُوپَکے بے آپ ءُ تۆشَگ ءَ
بُرزاد باں پہ کۆہ ءَ کہ راج بَزَّگ اِنت
اَلبَت تَرا رَزا اِنت مَہرَنگ چَہ مَن ءَ
یَکّ نۆکێں ھَمبَلے تَو پہ وَت شُہاز بِکَن
<سترُنگ><اِم>مُبارِک کازی
(جَنوَری-1983، کَرَچی)