وَشّیاں سۆچ تَئی گَم ءِ کُرباں باں
مَن پَکیری جاگَہ ءَ سُلتاں باں
تَو مَنی بَئے، ماہ زِمین ءَ اێر کئێت
بَزَّگێں مَردُم گُڈا ھَیراں بَنت
تَو کہ کا ئے مَلگُزار ءَ مۆسُم ءِ
کَوش کَشّیت، نۆد ھَم ساچاں بَنت
آ پہ بِچکَندے دِل ءَ تَرّێنت کَنت
مَن پَدا زَہراں وَراں وَشّاں باں
آ نَپَہمیت شَیر ءِ نازُرکێں تَب ءَ
اِے مَنی گَنجێں گَزَل تاواں بَنت
ھُکَّہ ءَ کَنت گَوہَراں دان ءَ ، دِل ءِ
آ کہ اَرساں دَر کَن اَنت ناداں بَنت
وَہد ءِ مَرہَم، زامِن، دُرساں دْراہ نَکَنت
لَہتێں ٹَپّ کَبر ءَ رَو اَنت دَرماں بَنت
<سترُنگ><اِم>زامِن مُراد