ھَتَمزِبَہرێں زِند پہ یَکّ کِشارے زَریت
کَدی پہ مَچکَدَگاں گُلێں بَہارے زَریت
اِے سارتێں گْوات زِر ءِ گۆں ماہِکانی ءَ
گُش ئے کہ بانۆری تَنَکّێں شارے زَریت
سَمین ءَ ھال مَنی مَہوَش ءَ سَر کُت
گُلاب ءِ ٹال ءِ سَر ءَ کُلیتَوارے زَریت
اِے کَئی جَگَرسِندێں گَمانی مِستاگ اِنت
کہ دیدَگاں اَرسے، دِل ءَ پَہارے زَریت
مَن دِلیَکیم آں چَہ آ پَریرَواجا بلے
اِے چۆنێں رَہسَراں دُنێں گُبارے زَریت
<سترُنگ><اِم>مُبارِک کازی
جَنوَری-1983
کَراچی