پہ چَنڈَگ ءَ
گَمانی گْوانزَگ ءَ
دِل ءِ
ھَزار ھُلّ ءُ واہَگاں
چۆ شاہِ تُرک زَلِمێں ھَوَس کُتَگ
مُراد زِندمانی ئے کہ پادمال بُوتَگَت
“ھَیال پاکدامُنێں" “ گُنَہگارێں نَوبَت ءِ" “بَداپبُوێں مِنزِل ءَ "
پہ مِسک ءُ مِہلَباں زَریت
بَہارسَنج مۆسُمی مَن ءَ کہ سُلُّکی دَ اَنت
تَ زِرد کۆدِکی زَریت ءُ مَن کَپاں گَمانی کُورُم ئے تَہا
سُچاں
کَباب باں
زاراں
مَنی کہ “زِند” بَستَگِش
ماں زُلم ءُ جَبر ئے سانکَلاں
مَنی “زُباں” بے تَوار ءُ “واک" بے وَس اِنت
کہ مَن ءَ گُلام کُرتَگِش
مَن ءَ مَلام کُرتَگِش
بلے
مَن اَنگَتا
گْوَمے تَباہجاوَرێں دِل ءَ
پہ زِند ءِ شادِہاں زَراں!!
<سترُنگ><اِم>مُبارِک کازی
مَئی-1982، مَچّ