چینچو بے لِزَّت اَنت
شام ءُ رۆزَرد ءُ بام
بْیا پہ تَو ھَمسَپَر
مَہتَل آں گام پہ گام
تاس سَرّێچ بَنت
کَیپ زُور اَنت گُل ءِ
لاس جیگ ءِ تْرِپ اَنت
بیک پَرّێچ بَنت
تُنّ ءُ گُژن ءِ جَل ءَ
اَرس ھۆنێں شَل اَنت
جیگ میچَل مَنی
تَئی گَم ءِ جَنگَل ءَ
ماہێں دْرۆشُم بِبات
پُلّ گُلاب ءِ وَڈ ءَ
جَمبَری نۆدشَنز
کَیپ ءِ مۆسُم بِبات
رۆلَہی شێنک تَو
ماہ ءِ بْرانزاں ھَمُک
اَکس پَدَّر تَئی
کانچ ءِ آدێنک تَو
تَو اِبادَت مَنی
کابَہ ءُ جَنَّت ئے
چۆ کُران ءِ وَڈ ءَ
تَو تِلاوَت مَنی
شَہر ءَ زاہِر نا ئِے
سَہت دَماں آ گُشیت
تَو بَدَل بیتَگ ءِ
پێشی اَکتَر نا ئِے
<سترُنگ><اِم>اَکتَر مَہمُود