تَو کَیپگیرێں شیشَگانی لِزَّتی شَرابے ئے
تَو وَنتَگێں کِتابے ئے
تَو سِستَگێں گُلابے ئے
چۆ سَرپَچێں سَرہَنگ ءَ
ھَمُک نابِزانتے ءَ تَئی
مَستیانی لُنجێں زِر
پہ بَرد ءُ کَیل گْوازِتَگ
تَو اَنچێں یَکّ تَیابے ئے
کہ نَرمێں رَێک ئے نَرمَگێں دِل ءِ سَر ءَ
تَئی نَشُشتَگێں بَدَن
چۆ ماہِکاں سَمبَریت
بلے دِلُن زَریت
دِلُن زَریت ءُ تَلوَسیت
کہ زِندمان ئے ناہُدا
تَئی ھَوَس ءِ بۆجی ءَ *
گۆں دَور ءُ پِلمِلاں بَر اَنت
پہ بے نِشانێں مِنزِلے!!
<سترُنگ><اِم>مُبارِک کازی
*بۆجی = بۆجیگ