نوں پَدا بَر گَشتَگێں واباں مَگِند
رُکسَتێں زێبائی ئے داباں مَگِند
مَردُماں جِند ءِ تَوار گۆشاں نَیَیت
سَرپَدی گۆں کَدَّہی نۆشاں نَیَیت
ھَلوَت اَنت کُوکّار ءُ جاکانی زُباں
بُوتَگ اَنت زێبائی ئے مُہرَگ سِداں
کَدّ کَنت گۆں ساہِگ ءَ ھَرکَس وَت ءَ
وَشّ بیت دُنیا پہ لَبزانی سَتا
کِشک گۆں مئے مِنزِلاں یَجّاہ نَبَنت
دانکہ گِستا گۆں دِلاں یَجّاہ نَبَنت
رۆکێں کَندیلاں کُشان اِنت گْوات چۆن
آسَرے بُوتَگ پَدا بِندات چۆن
شۆدَگی اَنت چَمّ گۆں آس ءَ اِد ءَ
بُوَگی اِنت زِند چَکّاس ءَ اِد ءَ
<سترُنگ><اِم>اِساک ھامۆش