چِراگێں اوستانی رُژن ءِ دْرین اِنت، مَنی زِمین اِنت
سَبا ئے وَژبُو اِنت یا سَمین اِنت، مَنی زِمین اِنت
مُدام پَہمیت دِل ءِ ھَیالانی گالِواراں
جَہاں زانت اِے مَنی زِمین اِنت، مَنی زِمین اِنت
اِے شَیر چَمّانی تَہتَرین ءَ لَکیر کَشّیت
اِے شَیر اِمرۆز ءِ سارتێں گین اِنت، مَنی زِمین اِنت
رِچ اَنت اَرسانی ھَجگێں تْرۆنگَل چَہ رَہنێں چَمّاں
کہ دِرتَگ جامَگ ءُ بُن جَبین اِنت، مَنی زِمین اِنت
اِے گُڈّی جَنگ اِنت بَلۆچ راج ءِ پہ آجُوی ءَ
کئێت اِنکِلابے مَن ءَ یَکین اِنت، مَنی زِمین اِنت
کَناں مَن زْیارَت وَتی شَہیدانی وابجاہاں
گُلامێں راجانی جَنگ دین اِنت، مَنی زِمین اِنت
ھَزار رَند ءَ گُشاں مَن راہی گۆں کۆہێں دَرداں
اِے ھاک ءِ اوپار ءَ آپرین اِنت، مَنی زِمین اِنت
<سترُنگ><اِم>اَبدُلّاہ راہی
30 اَپرێل 2009، گْوادِر