مَن ءَ بُسۆچ ءُ آس بِدئے
ماں زُلم ءِ اَنگَراں بِجَن
مَن ءَ گۆں ٹۆپ ءُ گُرکیاں
گۆں زَہم ءُ اِسپَراں بِجَن
مَن ءَ گۆں سانکَلاں بِبَند
مَن ءَ گۆں پاہُو ءَ بِدرَنج
اِے زِرد ءِ واہَگ اِنت مَنی
ھَمے پہ مَن ھَزارگَنج!!
پہ راج ءِ ھاتِر ءَ مِراں
نَبیت مَن ءَ را ھِچّ رَنج
کہ بَلکێں ھۆن بَنت مَنی
گَریب ءِ "آزماں"ئے سَنج
بلے دِل ءَ مَن سَدَّک آں
کہ زُلم ءُ زۆر ءِ آکِبَت
پہ تَئی کَلات ءُ ماڈیاں
تَباہی اِنت، تَباہی اِنت
<سترُنگ><اِم>مُبارِک کازی