ھَزار بَہِشت بَہا پہ گُل ءِ گُلابێں چَمّ
نَدیست مَن اَنگَت جَہان ءَ ، اِے ڈَول ءُ دابێں چَمّ
اَنار اَنار ءَ اَنارکانی رَنگ بام ءِ جَلَشک
ھَیا ءِ کَدَّہ ءَ کَیل اَنت چِتَور شَرابێں چَمّ
مَن واناں مِہر ءِ ھَدیسان ءُ مِہر ءِ آیاتاں
پَچ اَنت چۆ پاکێں کُران ءَ ، گُل ءِ کِتابێں چَمّ
مَن ءَ وَ بِلّ مَن گَنۆک آں، گَنۆک ءِ چے بِستار
گُڈێن اَنت اَرش ءِ ھُدابُند ءَ اَکسوابێں چَمّ
بِچار، پہ چارَگ ءَ، مُلا، نَچِنت کَسے پۆلِنگ
کُجام گۆناہ اِنت کہ چێر اِنت چَہ مئے مَوابێں چَمّ
<سترُنگ><اِم>جی آر مُلا