پادشَپادا گۆلان اِنت
دَریا دَمکاں پۆلان اِنت
آسَر بارێں چے بیت اِنت
ھَرکَس مَرچاں شۆلان اِنت
زَنگ نَجَنت اِنت دَریادِل
تَہنا دَرداں تۆلان اِنت
پَد نَکِنزیت نێمراہ ءَ
مُہکَم چۆ کہ بۆلان اِنت
مَردُم تَہنا نۆکێن اَنت
دُنیا پێشی ڈَولان اِنت
باجُو جِست اَنت نێمراہ ءَ
یاگی کۆہاں گۆلان اِنت
لێپَگ بیت اِنت بازێں سَر
جُہد ءِ دَریا چَولان اِنت
شَہر ءِ شَرَّنگاں دْراہێں
اَکسے تَئی پَندۆلان اِنت
لاپ ءَ سِنگے زُوت مَبَند
چانَگ گُڈّی کۆلان اِنت
مَٹّ اِنت ھَرکَس اِے وَہد ءَ
ھَمَّل پێشی ڈَولان اِنت
<سترُنگ><اِم>سَلماں ھَمَّل