بال اِنت دِل گَل ءَ شێزاریت
آس ءَ ساہِگے پێش داریت
وَژبُوێں کُلۆہے کاریت
کَوش مئے دامُن ءَ ماں داریت
شَپ گۆں گِلَّہ ءِ دَنزان اِنت
تَہنائی چِراگے چاریت
چَمّاں آپسَرے ءَ بۆتکَگ
تُنّیگێں لَدے دِل داریت
دَزگَٹّ اِنت زَمانَگ اَچ وَت
دَرداں مِہلَبێں کئے ماریت
کَولانی نَسیب ھاکان اِنت
دُنیا چۆ بُت ءَ گۆژ داریت
بِچکَند بَنت اَوَز اَرسانی
میر اِے نَوبَت ءَ کئے بْیاریت
<سترُنگ><اِم>میر اُمَر میر