نہ آس گْواہیت مێتَگاں، نہ آپ بازار ءَ رَسیت
ھَو دِل بُلۆٹیت مَردُم ءِ بَسّ مَرگ بے کار ءَ رَسیت
چینچو اَزابی کار کَنت، چینچو وَت ءَ کَریاب کَنت
اَرماں کہ دِہکاںے ءِ بَروَرد سَردار ءَ رَسیت
آزاتی ءِ ھَمشامی ئے یَکّ لِزَّت ءُ تامے دِگِہ
اِے رِزک پہ چَمداریا ھَر رَنگێں سَہدارا رَسیت
سَد رَنج پہ مئے کِسمَت ءَ یَکّ اَنچێں دَورے زِندَگ ایں
مَرچاں جَہان ءَ مات ءُ پِت پہ زَرّ ءُ کَلدار ءَ رَسیت
کازی تَرا چی اِنت کہ تَو کۆہ ءُ اَگاراں سَر جن ئے
کئے دَر پہ دَر بیت جَنگَلاں چیزے کہ بازار ءَ رَسیت
<سترُنگ><اِم>مُبارِک کازی