زُلپ ءِ نۆداں، چَمّ ءِ کَیپاں راہ دَئے مارا کار کَپتَگ
زِندَگی ءَ مارا بَسّ پہ یَکّێں کار ءَ ، کار کَپتَگ
دێم پہ دێم ءَ ، دو پہ دُا شَپ سَباہ ءِ زانسَراں وَپت
اُپّ مَباتاں، مَن مِراتاں پہ مَن یار ءَ کار کَپتَگ
رَہسَر ئے ھَر دَنز، دَنز ءَ جاں شُشتَگ چَہ گَل ءَ
پُلّ بانۆر اَنت کہ لالا مَلگُزار ءَ کار کَپتَگ
پہ تَرا وَرنائی ءِ ھَر ماہ ءُ مۆسُم تُنّی اِنت!
بْیا شَپے چَمّ ءُ دو چَمّ کَن بے تَوارا کار کَپتَگ
مِسکێں سَرگوات ءَ مَنی گۆشاں ھَبَر کُت ھَلوَت ءَ
بْیا نِسار تَئی واست ءَ مَرچی چَمہُمارا کار کَپتَگ
<سترُنگ><اِم>نِسار اِیسُپ