پَدا جَمبَر گَمانی بَندَگ ءَ اِنت
مَنی کُلّ ءِ سَر ءَ بِچکَندَگ ءَ اِنت
مَن زاناں کہ پْرُشیت اِنت شیشَگێں دِل
نِگاہ ءَ آ وَتی کار بَندَگ ءَ اِنت
اِے دَست ماں دامُن ءَ تَئی ماں کاینت
ھما رۆچاں مَنی چَمّ گِندَگ ءَ اِنت
نَترَکّیت پَرچی ءَ بُلبُل تَئی دِل
کَسے پُلّاں بَہار ءَ سِندَگ ءَ اِنت
کئے ءَ بِچکَندِت چارِت ساہِرارا
پَدا دَردے دِل ءَ اێر نِندَگ ءَ اِنت
<سترُنگ><اِم>مُراد ساہِر