بْیا دَمے نِندێں واہَگ ءِ وَشّێں جَنَّت ءَ
آسَر اِنت اِمرۆز، نێست وَپا دَور ءُ نَوبَت ءَ
تْرانَگ ءِ لَمب ءَ بَستَگ ءُ بَندۆک اِنت دِل ءِ
تَئی ھما گَپّ کہ تَو مَن ءَ گْوَشتَگ اِہوَتا
وَشّیاں نۆشیت پہ گَلے ھَرکَس شَکَّلێں
بَژن ھَمێش اِنت کہ کَسّ نَزانت دَرد ءِ لِزَّت ءَ
زِند پہ زێنالی گْوَست زَہیرانی رَہسَراں
دِل نَدَنت گْواہی کہ بْیَیت مَرگ ءِ ساہَت ءَ
اَتکَگ ءِ اێر مُرتَگ گْوَش ئے رَنجانی کِشار
پُشت کُتَگ سَد دَرد سَبزِتَگ مِہر ءِ میشَت
مَیرُک ءِ مِہر ءُ ھانُل ءِ دَرداں ھالَوێں
جُست بِکَن شَیہا ءُ بُپُرس مُلا اِزَّت ءَ
مَن اگں بَرّ ءُ بے دِہاں، بے گْواہ آں بلے
تَو کَدی زاناں مِنزِلے دَر گێتک پہ وَت ءَ
بْیا اُمێتانی گُڈسَری اوتاگ ءَ اِنت نَپَس
بَسّ پہ تَئی دید ءَ مَہتَل اِنت اَرواہ اَنگَتا
پَہر مَبَند اِینچُک پہ وَتی بَہت ءُ تالِہ ءَ
نام تَئی پْرُشتَگ آبِد ئے کَبر ءِ بَرکَت ءَ
<سترُنگ><اِم>آبِد آسکانی