رَکّاں مَلارێں بِبیت بِچکَند
بِچکَند، بِچکَند سال بِبیت
دیر چَہ کَست ءِ مانگیشاں
دۆستی ءُ مِہر ءِ شال بِبیت
رۆک تَئی چۆ دِلبَند ءَ
بَہت ءِ مَنی اِستال بِبیت
بِلّ ئِے شَہدێں لُنٹ رِچ اَنت
بے نَگ، بے نَگ گال بِبیت
مِہر ءِ نَمیرێں تاچ ءُ تَگ ءَ
جیگ ءِ مِنزِل ھال بِبیت
مِکّ زَہیر ءِ اێرێچا
نْیاد ءِ ھَر دیوال بِبیت
چۆ وَس ءِ نَنگ ءَ لَیب مَکَن
باندات بیت تَئی زال بِبیت
اِشک ءِ دَئے ءُ زیر شَرّ بلے
کَسے ءَ کہ بُنمال بِبیت
مۆلُم ءِ کَوش ءَ مَست ءُ مَلار
چێتک ءُ ھَر چیہال بِبیت
مَہشَر ءِ واہَگ پُہلِ سِرات
مید ءِ مِسکێں ٹال بِبیت
وَہاگ ئے گَنجێں دَشت ءَ نِسار
دِل چۆ کَپۆت ءَ بال بِبیت
<سترُنگ><اِم>نِسار اِیسُپ