آگَہی ءِ چَمّ ءِ واب آں یار مَن
واہَگ ءَ تَئی تَچک ءُ تاب آں یار مَن
تَو مَیا کہ بَرپ اِنت چاگِرد ءِ بَدَن
بَسّ بِچار کہ ماہتاب آں یار مَن
بیت دُنیا گار شۆہاز ءَ تَئی
تَو کہ رَپت ئے نوں کُج ءَ باں یار مَن
ماہ ءُ اِستالاں مَنی گَم وَنتَگ اَنت
چێر داتَگ دِل کِتاباں یار مَن
ھِچّ نَمَنتَگ بێدِ یَکّێں دْرۆشُم ءَ
یار دَریا، یار گْیاباں، یار مَن
اَنگَتا گۆں مِہر ءَ تَئی ھَمدَپ نَہ آں
بِلّ کہ اَچ وَت اوں جِتا باں یار مَن
مَن مُنیر نۆکێں گُناہے دَر چِتَگ
بَسّ وَتی پَیم ءَ اَزاب آں یار مَن
<سترُنگ><اِم>مُنیر مۆمِن