ما بَلۆچ پَرزِند ایں، مئے دَیار بۆلان اِنت
کُنگُرێں شَہیدانی سَرڈَگار بۆلان اِنت
اِشی ئے بُلَندێں ٹُلّ داں کْیامَتا چِست اِنت
راجدَپتَر ءِ تاکاں یاتگار بۆلان اِنت
پہ وَتی وَتَن مات ءَ آسراتی ءِ جَنگ ءَ
ھَرکَسی تَہا ھَست اِنت سَرمَرچار بۆلان اِنت
اِے کَلَندَرێں کۆہ ءَ کَسّی ھاتِرے پِر نێست
سَرجَمێں مَیاراں چَہ بے مایار بۆلان اِنت
زِندَگێں بَلۆچِستاں گۆں بَہادُرّێں بَچّاں
جَورێں وَشنَیَتکاں پہ آسگوار بۆلان اِنت
دُور نَہ اِنت وَتَن کازی دُژمِناں چَہ آجُو بیت
اِے ھَبَر کئے ءَ گُشتَگ بے تَوار بۆلان اِنت
<سترُنگ><اِم>مُبارِک کازی