<!-- وپ:پَرَگرَپہ -->

<!-- /وپ:پَرَگرَپہ -->

<!-- وپ:پَرَگرَپہ -->
گُل ءِ بانۆری ءِ ھالِش رَسێنتَگ
پَدا اِے آزَگێں ٹَپِّش کُدێنتَگ
<!-- /وپ:پَرَگرَپہ -->

<!-- وپ:پَرَگرَپہ -->
مَرۆچی گْرانگوَرێں نازانی ھانُل
مَن زاناں، دُژمِنێں دۆستاں سُرێنتَگ
<!-- /وپ:پَرَگرَپہ -->

<!-- وپ:پَرَگرَپہ -->
زَبادبُو اَتکَگَت واب ءَ مَنیگ ءَ
دِگِہ سازے مَنی کُلّ ئِے زَرێنتَگ
<!-- /وپ:پَرَگرَپہ -->

<!-- وپ:پَرَگرَپہ -->
نَیَتک ئے گۆں وَتی شَہدێں زُبان ءَ
ھَمُک شَپ شیر ءُ شَکَّل پہ تَو مێنتَگ
<!-- /وپ:پَرَگرَپہ -->

<!-- وپ:پَرَگرَپہ -->
ھَبَر سَر بُوتَگ ماہێں دَزگُہاراں
پَمێشکا پہ مَن ءَ مُورکِش مُجێنتَگ
<!-- /وپ:پَرَگرَپہ -->

<!-- وپ:پَرَگرَپہ -->
گُل ءِ یَکّ زَہرکَنِکّێں چارَگے ءَ
کَلَم یَکپارَگی بَہت ءِ نَسێنتَگ
<!-- /وپ:پَرَگرَپہ -->

<!-- وپ:پَرَگرَپہ -->
تَو داتَگ ھال دِلپرۆشێں مَن ءَ را
کَلات گَنجێں اُمێتانی ڈُرێنتَگ
<!-- /وپ:پَرَگرَپہ -->

<!-- وپ:پَرَگرَپہ -->
دَمانے بْیا چَہ کَہرێں مَلکَمیت ءَ
پہ کَشّ ءُ ھُر جَنَگ ساہُن زِہێنتَگ
<!-- /وپ:پَرَگرَپہ -->

<!-- وپ:پَرَگرَپہ -->
گَنۆک ءُ سَرماچَر ءُ مَستێں واہَگ
مَزاربیمێں مَنی مَرگ ءَ گُڈێنتَگ
<!-- /وپ:پَرَگرَپہ -->

<!-- وپ:پَرَگرَپہ -->
نَبیت گِندَگ مَرۆچاں پہ گِدارے
رَدێں ناسَرپَداں “دۆستی” ھَزێنتَگ
<!-- /وپ:پَرَگرَپہ -->

<!-- وپ:پَرَگرَپہ -->
سَیَد گُشتَگ پَدا چار گال مَرچی
کہ بے گَنجێں زَہیراں دِل کُدێنتَگ
<!-- /وپ:پَرَگرَپہ -->

<!-- وپ:پَرَگرَپہ -->
<سترُنگ><اِم>سَیَد ھاشُمی</اِم></سترُنگ>
<!-- /وپ:پَرَگرَپہ -->
Sayad Háshomi