تَئی بَدَن کہ زِروانے
تُنّ شیشَگاں کُرتَگ
آس تۆشَگ ءَ زُرتَگ
دِلشِپاد دَر کَپتاں
بُرزێں اَہداں سَر کَپتاں
پہ تَرا اِے بے وَتَناں
آزماں گْوازێنتَگ
کُلّ جَہاں گْوازێنتَگ
تَئی بَدَن کہ زِروانے
————————————-
شَہر راہ نَدَنت کَسّ ءَ
دِل پَناہ نَدَنت کَسّ ءَ
چۆ کہ تیر ءِ پَیم ءَ اَنت
سِستَگ ءُ پہ تَو کاینت
بَسّ تَئی رَزا گۆن اِنت
ھَر دَیار یَل داتَگ
چینچو کار یَل داتَگ
————————————
واب چَمّاں سَر کَشّ اَنت
چۆ اَنارے ءَ پَشّ اَنت
واہَگ ءِ ھَتَم سَبزیت
چار نێم ءَ گَم سَبزیت
مِہر ءُ زِندَگانی ءِ
کَول گۆں مَن ھَمراہ اَنت
چَول گۆں مَن ھَمراہ اَنت
تَئی بَدَن کہ زِروانے
<سترُنگ><اِم>مُنیر مۆمِن