دَستانَہ ءُ شَیراں گُشاں، بَنداں تَرا سَوت ءُ سِپَت
چے بیت دِگِہ پہ تَئی دَر ءَ مئے شاِرانی مال ءُ مَت
آہتاں پہ ھُشکامێں مُراد، رَپتاں پہ ناکامێں دِلے
بیت اِے جَہاں یا آ جَہاں، پہ ما تَ یَکّ اِنت آکِبَت
بے گِندَگ ءَ چاراں تَرا، بے مارَگ ءَ ماراں تَرا
اێش اِنت مَنی زِرد ءِ وَپا، اێش اِنت مَنی مِہرانی پَت
سَبز اِنت کہ تَئی اِنت گُلزِمین، ھُشک اِنت کہ تَئی اِنت گُلزِمین
آس کَپیت کہ ھَور بیت، زان ئے وَتی کاران ءَ وَت
چے اِنت زِمین، چے آزماں، چے ماہ، رۆچ ءُ کَلکَشاں
شات اَت کہ چَہ تَئی کُدرَتاں تا زِندَگ اَت دێوانَگ اَت
<سترُنگ><اِم>اَتا شات