اَہدانی یاتگیر اَنت گُش ئے اِے گْرێشَگ ءُ کۆہ ءُ دَمَن
وائے دِل ءِ دێوانَگی، وائے مَنی ھُشکێں وَتَن
مۆر ءُ مَزار مێڈێنتَگ اَنت سِنگ ءُ سَر ءِ سَودا جَتَگ
جَنگانی آس رۆدێنتَگ اَنت پہ گَیرَت ءِ شَوکێں کَپَن
مِہر پہ بَہا بیتێں بِبیت، سَر پہ زَوال رَوت اِنت بُرَوت
دِل کۆتَلی چیے نَہ اِنت، مَن مَنِّتَگ تَو ھَم بِمَنّ
مَئێگ ءُ تَئی ھاک ءِ وَپا زانَگ نَبیت سَرزاہِرا
مَن تَئی اُمێت ءَ مُرتَگاں، تَو زِندَگ ئے بَلکێں پہ مَن
اود ءَ کہ نۆداں شَنزِتَگ، باگ ءُ بَہارے سَبزِتَگ
گار اَنت تَئی چَمّانی واب، ھُشک اَنت تَئی لُنٹانی پَنّ
ھَر گَم اَزیز ئے گَم نَہ اِنت، ھَر دَرد ءِ مانا چۆ نَہ اِنت
رۆچے پہ راج ءَ سَر بِگِر، رۆچے پہ مَہنائیں بَدَن
<سترُنگ><اِم>آرِپ اَزیز