جَناں زَنگ ءَ جَناں زَنگ ءَ جَناں تَئی
گِراں نام ءَ گِراں نام ءَ گِراں تَئی
گُلێں مِہرانی ساچاں پہ مَن تاواں
کہ بیر ءُ نَپتاں اَمبازاں گِراں تَئی
نَسَگّاں ھِچّ نَسَگّاں پہ تَئی نام ءَ
مَگِندات دُژمِناں دیواں زیاں تَئی
جَگَرجَہ سُتکَگ ءُ سَجّیگ بُوتَگ
دِل ءَ پِر داراں سُہرێں اَنگَراں تَئی
نہ زِند ءَ پہ مَن ءَ دیواں زَرێنتَگ
نہ گۆں مَرگ ءَ چَہ اَندۆہاں زِہاں تَئی
پَدا اِے دِل پہ ڈَولے تْرۆنگَلێنتَگ
گُلێں نازانی گَرمێں گۆنڈَلاں تَئی
شَپ ءِ چادِر گُش ئے رۆچ ءِ مَیار اِنت
کہ اوماں کُرتَگ آسکی دیدَگاں تَئی
زَرێنتَگ بَہبَہانی چارکُلّے
اَنگَت گِنداں کہ دیدار ءَ زَراں تَئی
تَرا گْرانێں گَم ءُ اَندۆہاں گِپتَگ؟
مَن آں اَنگَت، مَکَن گَم، دێمپاں تَئی
ھَزار بَنگاں بُنۆشاں اَنگَت ھۆش آں
کہ مِہر ءِ کیہَوێں شَہدانَگ آں تَئی
کہ پِر کَپتَگ جَہان ءَ مِہر ءُ دۆستی
پَدا گۆں دُژمِناں زَنگ ءَ جَناں تَئی
مَنی گَم واہَگ ءِ پُلّێں مَیار اِنت
سِپاراں پہ کئے ءَ گْرانێں گَماں تَئی
پْرُشیت دِل بے تَوارا کَسّ نَساریت
نَکَنت باوَر کَسے گَمپرۆشتَگاں تَئی
نَسِستَگ اوست ءِ اوتاگاں نَسِستَگ
اِے راست اِنت گَمجَت ءُ دِلسِستَگ آں تَئی
اِے مَرگ ءُ زِند ءِ کۆہێں پاسپان اِنت
دو سَد بَر ھانُل مَن نام ءَ گِراں تَئی
چَکُتک تَئی بِنگَوێں بَچّاں گۆن اَنت
کہ دُژمِن ماں داران اَنت لَداں تَئی
سَیَد گۆں زێمِراں گالاں بے کَتّار
پَدا اومان اِنت بے ل ءُ ھَمبَلاں تَئی
<سترُنگ><اِم>سَیَد ھاشُمی