Shahdánag Án Man

Sayad Háshomi May 8, 2025 105 views

Janán zangá janán zangá janán tai
Gerán námá gerán námá gerán tai

Golén mehráni sáchán pa man táwán
Ke bir o naptán ambázán gerán tai

Nasaggán hecch nasaggán pa tai námá
Magendát dozhmenán diwán zyán tai

Jagarjah sotkag o sajjig butag
Delá per dárán sohrén angarán tai

Na zendá pa maná diwán zaréntag
Na gón margá cha andóhán zehán tai

Padá é del pa dhawlé tróngaléntag
Golén názáni garmén góndhalán tai

Shapay cháder goshay róchay mayár ent
Ke ómán kortag áski didagán tai

Zaréntag bahbaháni chárkollé
Angat gendán ke didárá zarán tai

Tará gránén gam o andóhán geptag?
Man án angat, makan gam, démpán tai

Hazár bangán bonóshán angat hósh án
Ke mehray kihawén shahdánag án tai

Ke per kaptag jaháná mehr o dósti
Padá gón dozhmenán zangá janán tai

Mani gam wáhagay pollén mayár ent
Sepárán pa kayá gránén gamán tai

Proshit del bétawárá kass nasárit
Nakant báwar kasé gampróshtagán tai

Nasestag óstay ótágán nasestag
É rást ent gamjat o delsestag án tai

É marg o zenday kóhén páspán ent
Do sad bar Hánol man námá gerán tai

Chakotk tai bengawén bacchán gón ant
Ke dozhmen mán dárán ant ladán tai

Sayad gón zémerán gálán békattár
Padá ómán ent bél o hambalán tai

Sayad Háshomi

Hamrangén nebeshtag