دۆشی وَتی گَردِش کُتَگ بے ھال زِمین ءَ
اێر اَتکَگ چَہ آزمان ءَ دو اِستال زِمین ءَ
بارێں کہ کَدی واتَرّ کَن اَنت ماہ ءِ سَر ءِ مَردُم
پَشت کَپتَگ دِگِہ چینچو بُگُش سال زِمین ءَ
لۆٹیت کہ بِدَنت دانے وَتی چۆرَہێں چُکّاں
کَل کُرتَگ ھَمے مَرد ءَ وَتی زال زِمین ءَ
آزمان ءِ سَپَر بارێں چۆنێں نَوبَتے بْیاریت
اِنشالَہ مَن کایاں، مَنی سَمبال زِمین ءَ
اِے گْوات کہ کَشّیت گُش ئے یَکّ شَیرے دِل ءَ کئێت
اِے ھَور کہ گْوار اَنت ءُ کِش اَنت گال زِمین ءَ
گِند ئے چۆ زُبَیر ئے وَڈ ءَ ھَرکَس بِبیت شاِر
زاناں کہ نَبیت رۆچ ءُ نَبیت ھال زِمین ءَ
<سترُنگ><اِم>زُبَیر مُکتار
10۔11۔1998 (پَسِّنی)