آ پیرزال ءِ سَر ءَ نۆد شَنزِتَگ داِم
مَسیت ئِے رُپتَگ ءُ کُمبان ءَ آپ ئِے ماں کُتَگ
بَہِشت ءَ بَلکێں ھَوا ءَ اِشانا داتَگ آپ
گُلاب ءِ پُل گُش ئے نییَت ءَ ھَراب کَن اَنت
پْرُشیت زُبان ءِ مَنی رۆچَگ ءُ سُچیت تَئی دِل
مَکَن بِچیل مَنی پُشت ءَ کہ دَست پَلیت اَنت تَئی
مَن چَپّێں نێم ءَ نَتَرّێنتَگ چَکّ وَتی ھِجبَر
مَن چَپّێں دَست پہ کَسّ ءَ وَتی نَشاُرتَگ
مَن زِندَگ آں کہ کَدی کئێت بارێں مَرگ مَنی
مَن مُرتَگاں کہ مَنی دِل تَئی ھَیال ءَ اِنت
مَن دۆشی کَپتاں ھَیال ءَ وَتی دِل ءِ دَرد ءِ
گُڈِت چَہ واب ءَ مَنی اَندَر ءِ کَماشێں مَرد
کُجام سۆک ءَ زِمین ءَ کُٹێنگ رۆدێنتَگ
کُجام پْرێشتَگ ءَ ھَورانی مۆسُم ءَ گْرێتَگ
زَمانَگ اِے وَڈ ءَ بِسمِل تَرا کُج ءَ سَگّیت
تَو شَیر کَمّ گُش ئے گْرَنچ گێشتِر بۆج ءِ
<سترُنگ><اِم>مَنزُور بِسمِل