بَلۆچ ءِ بَچّانی ھۆن تالان اِنت چار نێم ءَ
ھَمُک گْوَر ءَ کُنگُرانی جۆن اَنت
کَراچی ءَ داں کَلات ءُ مَند ءَ
بِگِند کہ دیوال ءُ دَمک چۆن اَنت
چَہ دَشت ءِ پُلکاں بِگِر داں سِند ءَ
بَلۆچ ءِ دِلبَند ءَ آس رۆک اِنت
پہ گُلزِمین ءَ وَتی گَنۆک اِنت
کُجام گِس اِنت کہ شَہیدے ءِ آدگار نێست اِنت
مئے سَرمَچارانا سَد سَلام اِنت
کہ پہ وَتی مِسکێں گُلزِمین ءَ
وَتی تَلارێں سَراں دَیان اَنت
گۆں جَورێں بَدواہا دێم پہ دێم اَنت
مَجال اِنت کَمّ پَدا بِکِنز اَنت
چۆ کۆہ بَرجام، چۆ زِر تَمَرد اَنت
پہ جَزم جێڈ اَنت
دِگِہ بِنایے، بِنا کَنێں ما
اِے ھاک ءِ ھَکّ ءَ اَدا کَنێں ما
<سترُنگ><اِم>مُبارِک کازی