سَر ءَ کَشّ یَکّ دَمانے وَتی بُرزێں بادگیر ءَ
بِدئے دْرۆشُمانی دادے وَتی بَزَّگێں پَکیر ءَ
تَئی پُلّ چۆ کہ سِنگ ءَ گُش ئے پہ مَن تَورِناک اَنت
تَئی گَپّ مَرچی لَگّ اَنت دِل ءَ شِلسَرێں چۆ تیر ءَ
تَرا چے گُشاں کہ چۆن ئے رَواں ھَر کُج ءَ تَو گۆن ئے
تَرا ماراں نَزد نَزدا تَرا چاراں دیر دیر ءَ
مَنی جِند ءِ یَکّ مَجالے وَتی واہَگ ءُ ھَیالے
دِگِہ ناچی اَنت کہ نَچّ اَنت ماں دَرامَدانی سیر ءَ
مَکَن کَمشَرَپ تَو مَہوَش بَدێں وَشنَیَتک ئے دێم ءَ
وَتی شاِرێں بَشیر ءَ وَتی آشِکێں بَشیر ءَ
<سترُنگ><اِم>بَشیر بێدار