شانتُلے گْیابان ءَ بِشێزاری(ت)
بے تَرا مارا زَہیر کَنت شاری
مُرگ چَہ ٹَہلێں ٹۆلیاں سِست اَنت
یار چَہ ھَمراہاں گِسَر کَپت اَنت
سُتکَگێں اِمرۆز ءِ تَب ءُ مَیلا
واب چَہ مانایاں گِسَر کَپت اَنت
زِندَگی بارێں چے دِل ءَ کاری(ت)
بے تَرا مارا زَہیر کَنت شاری
کَوش تَئی بازار ءِ بَہِشتنازێں
زاپِراں شِنگێنیت ھَمُک بے گاہ
دِل کَماتَگ گۆں مُہرَگاں رێچکێں
دِل تَرا جێڈیت اَچ وَت ءَ ساری
بے تَرا مارا زَہیر کَنت شاری
بے گَہ ءُ سُہب ءِ جێڈَہ اِنت دُنیا
باتِن ءِ چێرێں رَنگ زاہِر بَنت
زِندَگی بِستاراں بِشۆہازیت
کَول چَہ بالاداں بُلَندتِر بَنت
مۆسُمے وَژبۆے بِاتاری(ت)
بے تَرا مارا زَہیر کَنت شاری
<سترُنگ><اِم>اَلیجاں داد