پہ تَرا بُو ءُ بُس ءُ پہ ما نِشانی گْواتے
داں نَجَنت زِند بَدێں مَرگ ءَ وَتی شَہماتے
پُرسِتُن سُہب ءِ ھَمُک رَہگوَز ءَ اِہوال تَئی
نئے سَلامے، نئے کُلُہ، نئے کہ چَہ تَو دْرَہباتے
جَزم آں اَمبازاں گِر اَنت گْوانکاں مُلُورێں ماہ ءِ
شات ءُ کَندان ءَ مئے پِگر ءِ گُہار ءُ بْراتے
زاناں کہ بُوتَگ پَدا مِسک ءُ زَباد ءِ کَمّی
تَئی بیکانی تَہا وَہدے گَمیگ اِنت شاتے
ما ھَمُکّ تَہر وَپا لۆٹێں بلے کئے بَکشیت
مِہر پہ لۆٹ ءُ تَلَب، داد ءُ دِہ ءُ ھَیراتے
<سترُنگ><اِم>گُلمَہمَد وَپا